Health Minister Pu Lal Thanzara hian niminpiah khan autism vanga pianphunga rualbanlo-te enkawlna school chu Aizawl falkland veng a Gilead Special School ah a hawng. Gilead Special School a hawn tak Autism School hi Spastic Society of Mizoram leh Com DEALL te thawhhona a din a ni a. Health Minister Pu Lal Thanzara, Spastic Society of Mizoram a Vice Chairman ni bawk chuan Autism natna khirh tak veitu tana enkawlna hawn a lo ni ta chu he natna veitu leh chhungte tan hahdamna a nih bakah sawrkar tan pawh hmasawnna a ni a ti a. He natna khirh takin a tihbuai leh an chhungte chu lungngaia in dawm kun mai lovin beiseina nen helai hmun hi pan nachang hre turin a chah a. Autism School hi vawiin aṭang a kalpui ṭan tur a ni.