Mizoram sawhthing chingtuten an beisei ang phak loh ring

India ram pumah sawhthing hralhna Rate nasa taka a tlakhniam avangin, Mizorama Sawhthing chingtute pawhin an beisei ang an pha dawnlo hle niin a lang.Nikum 2014 chhunga Sawhthing thar hnem ber khuaa chhal Khanpui lama an khaipa leh Mizoram chhunga mimala thar hnem bera ngaih Tv.Lalhlupuia chuan he Sawhthing rate tla hniam nasa lutuk hian Sawhthing chingtu mipuite-ah nghawng a neih nasat a hlauh thu nimina 2-Bee Management & Consultancy Office Upper Khatla-a he an harsatna tawh tur a sawinaah hian a sawi a, 2-Bee Management & Consultancy member te chu theihtawpa \an lak pui turin a ngen a ni.

Sawhthing Rate hi vawilehkhatah `43/-a a chhoh dawrh hnu a\angin a tlahniam chak hle a, tunah hian Siliguri (West Bengal)-ah chuan `32/- velah a tlathla tawh a, Mizoram hmun hrang hrangah pawh Rate a tlak hniam avang hian Sawhthing tiral ngam an tlem hle a, beiseina nen sawhthing rate sân hun nghah ngawt phawt mai loh chu tih theih avang hle tih Hlupuia chuan a sawi.

Hlupuia chuan MP Election zawh apiang hian hetiang dinhmun hi India ram hian a tawk ziah \hin tih a sawi a, Sawhthing hi India rama a hralhna rate behchhana lei tur an awmloh chuan beidawnna kawngah mi tamtak a hruai lut leh thei tih a hriat lawk avangin mi tam tak hnenah pawh he thi hi a lo sawi fo tawh \hin tih a sawi a, an khuaa sawhthing chingtute hnenah chuan an beidawn mailoh nan awareness an lo pe lawk tawh tih a sawi bawk.

Hetih lai hian Delhi behchhan Company pakhat HAS UNIVERSAL SOLUTIONS hotute pawhin nimin vek khan 2-Bee Management & Consultancy Office-ah hian sawhthing chungchanga an ngaihdan sawiin inkhawm hona an nei a, an Company Leader Pu Susanta Kumar Pal chuan Mizorama sawhthing chingtute awmze neia ruahmanna siamsak an inhuam tih a sawi.

HAS UNIVERSAL SOLUTIONS chuan India rama sawhthing hralhna rate behchhanin Mizoram sawhthing te chu engtiklai pawha lei an inhuam tih a sawi a, mahse a man tlakhniam leh san chungchangah erawh chuan sawi theih an neihloh thu leh sawhthing hralhna rate tur duanlawk sa siam sân ngam a nih dawnloh avangin a rate pawh India ram danga a hralhna a zira tihsân chawp theih tura MoU siam a nih theih chuan 2-Bee Management & Consultancy te ngenna chu tihhlawhtlin theih tho a nih thu a sawi a, mahse tun dinhmunah chuan eng Company tan mah risk lak ngam vakna chia a ngaih loh thu a sawi tel bawk.

HAS UNIVERSAL SOLUTIONS leh 2-Bee Management & Consultancy te hian kuthnathawktute ham-\hatna tur leh an hriselna atan security an mamawhna phuhrukna tur zirchiang turin thingtlang lamah Free Health Clinic hmun hrang hranga siam bakah Health Insurance (Kuthnathawktu thingtlanga mite tan) campaign neih dun nise tiin an rel a, hei bakah hian kuthnathawktute (Society) te ham\hatna tura Loan an lak theih dan tur buaipui bakah kawng hrang hranga an ham\hatna tur ruahman sak an tum dawn a ni.

HAS UNIVERSAL SOLUTIONS leh 2-Bee Management & Consultancy te’n ruahmanna an siam lailawk chhinah chuan Society/Khua, a duh apiang te’n an sawhthing thar an hralhna tur hmun Aizawl khawpui chhungah siam a ni ang a, a packing material pek vek an ni ang a, Sawhthing fai \ha bûkna hmun thleng (an khua a zirin) motor hman man (phurh man) ruahman vek a ni bawk ang. Mizoram Sawhthing te chu Siliguri-a a thihfaina hmunah thenfai a nih vek hnuah pack \hat leh a ni ang a, hei hi West Bengal leh Delhi -a sawhthing hralhnaah pek \hin a ni ang a, heng indawrnate hi langtlang taka kalpui vek a ni ang a, sawhthing hralhna sum chu Bank kaltlangin a hralhtute hnenah pek a ni ang a, sawhthing hralhna hi Sawhthing hralhtute chuan an bungrua bukfel a nih hnuah an dawng nghal zel ang an ti a, hetihlai hian HAS UNIVERSAL SOLUTIONS te hian Quintal 50000-70000 tal sawhthing hi lei tur an nei ngei tur a ni, an ti thung a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram