Inrinni zan English Premier League inkhelah mualneitute an tlâwm deuh vek a, Tottenham tihloh chu mahni muala chak thei an awm lova, Chelsea chuan an mikhualna hmunah goal an sûrtir a, 5-0-in Swansea an hneh a, Manchester United pawhin Loftus Road stadium-ah mual neitu QPR chu 2-0-in an hneh a, Liverpool pawh an Captain Steven Gerrard tel lovin Aston Villa chu 2-0-in an hneh ve bawk.Swansea 0-5 Chelsea
Sigurdsson ball pass sual vangin minute khatna lekah Oscar chuan Chelsea hmahruaina goal a thun nghal a, Goal hmasa ber a luh hnu lawk hian Sigurdsson chuan a tihsual siam\hatna hun \ha nei mahse a thun lo a, Chelsea-in game an thunun a, Fabregas, Willian leh Costa ten Swansea penalty area bulah nalh taka ball in-pass kualin Fabregas chuan Costa tan ball \ha tak a pe a, Costa chuan Chelsea goal 2-na a thun a, Chelsea khelh \hatna belhchhah turin Swansea defender Fernandez chuan a back pass sual leh pek a, goalkeeper hnen a thlen hmain Costa chuan a nangching a, tun season-a a goal 17 nan pet goal zui nghal.
Half-time hma hretin Willian chuan ball \ha zet lalutin Costa a pe a, ani hian Oscar pe lehin an goal 4-na atan mawi zetin a lo thun leh.
Second Hallf-ah Swansea lam an insiam\ha hret a, ball pawh an chang tam viau. Mahse, Chelsea defense an dingnghet a, goal hlauhawm an nei thei lo. Chelsea substitute Schurrle chuan Chelsea goal 5 na a thun leh ta zawk a, Chelsea hian hma an hruaina an sawhnghet ta zel a ni.
QPR 0-2 Man. Utd.
First Half-ah goal a lut lova, Second Half-ah, minute 59-ah box chhunga Rooney ball pek luh hmanga Valencia cross a\angin second half-a lût ve chauh Fellaini chuan United hmahruaina goal a thun a, inkhelh tawp lamah QPR an tâl na ang reng hle a, an khingpui te nawr pawh an nawr na a, an si phurh sut tuma an \an luat tuar lovin minute 90 hnuah Wilson chuan QPR tlar hnung ruak hmang \angkaiin counter attack a\anga a ball dawn chu United goal 2-na ni turin a thun ve leh a, inkhel a tawp a, United chu 2-0-in an chak ta a, vanduaithlak takin Falcao chuan a pawlte chakpui mahse goal thunna hun \ha a bawh pelh nasa hle a ni.
Aston Villa 0-2 Liverpool
Inkhel te hi an inhneh tawk fu a, hliam vangin Liverpool Captain Gerrard a inlan thei lova, Minute 24 naah Henderson ball pek \ha em em hmangin Borino in nalh zetin hnai tak a\angin Liverpool goal hmahruai a thun a, Minute 79 naah Gerrard aiawhtu Sterling chuan Lambert tan ball \ha tak pein, Lambert hian Liverpool goal 2-na a thun a, Liverpool defender te huntawp thlenga an \an tluan theih tak avangin 2-0-in an chak ta a ni.
Newcastle 1-2 Southampton
Tunlaia team hlauhawm ber pawl Southampton chuan an lakthar Elia goal 2 hmangin Newcastle United an hneh a, Newcastle lam hian Yoan Gouffran hmangin goal khat an khung ve a, Southampton hian pathumna dinhmun an luah chhunzawm zel thei a ni.