Ni khat danah buhfai dinhmun tarlang dawn

Mizorama FCI buhfai, kudam stock dinhmun chu mipuiin ni khat dan zela awlsam taka an hriat theih nan Media kaltlanga tarchhuah \hin a ni dawn.He thu hi nimina Food Corporation of India Area Manager, Akhileshwar Ojha thuchhuah chuan a tarlang a, a thuchhuah-ah chuan FCI buhfai thiarna Rail kawng kum khat chuang block (Mega Block) tur a nih avang leh furpui lo thleng turin Mizoram mipui rilruah buhfai ei tur chungchanga harsatna a awm ang tih hlauhthawnna \henkhat rilruah a awm niin a lang tih a sawi a, hemi kawnga harsatna Mizoramin a tawh loh nan FCI chuan theihtawpin hma a la chho mek zel tih a sawi a, Mizoram a kudam (godown) 6 awmnaa buhfai quality \ha tawk chhek ngah reng chu FCI mawhphurhna a ni tih pawh sawilangin, chuta \anga phurh chhuah leh Retailer hnena thlen chu Mizoram Sawrkar mawh-phurhna a ni ve thung a ti a.

Nimin thlenga FCI buhfai kudam 6 stock dinhmun chu 102% aia sâng a ni tih tarlangin, FCI kudama stock a khah tlat chuan a dang pawh rawn phurh belh zel ngaihna a awm miau loh avangin, thiar chhuah ruah chak a nih poh leh an dahkhat chak mai dawn niin a sawi a, tin, an buhfai supply-tu sample chu FCI kudam a\anga thiar chhuah dawn apiangin Mizoram sawrkara Food, Civil Supplies & Consumer Affairs te nena a huhoa endik hmasak hnuah sawiselna a awm loh chuan phurhchhuah chauh a ni \hin tih a sawi bawk.