Republic Day Volleyball Championship khel tan

Nimin chawhma dar 10 khan Republic Day DC’s Running Trophy Volleyball championship chu Vengchung Volleyball court ah ṭan a ni a, Pu Kapliana Pachuau President MJA, serchhip District khuallian niin, Tournament hi a hawng.Khuallian chuan hawnna thu sawiin, Rebublic day lawmna puala Serchhip District Volleyball Association-in infiam mite tana Volleyball Championship a buatsaih thei chu lawm awm a tih thu sawiin, hemi atana Department hrang hrang te insensona avaangin lawmthu a sawi a. Mizoram hmun dang leh district dang te thlirin Serchhip-a mi neinung leh awm thei deuh ten Infiamna lama hma kan sawnna tur atan sum leh tha kan thawh hreh tlat ṭhin chu District dang leh khaw dang kan tluk theih lohna a ni a ti bawk.

Republic Day DC’s Volleyball Runing Trophy hawnna inkhawm tawi Vengchung Voleyball Court-a neih hi, SDVA President Pu K.Tlang-thanmawia’n a kaihruai a, Technical report ngaihthlak niin, a thlengtu Vengchung Volleyball Club aṭangin thusawi ngaihthlak a ni bawk.

Republic day Volleyball championship ah hian Mipa Team 6 – Vengchung Volleyball Club atangin Team 3, Friends Club, Chandmary Volleyball Club leh P&E Voleyball club te an ni a, leh Hmeichhia Team 4, Vengchung Volleyball Club aṭangin Team 2, Friends Club New Serchhip, leh Chandmary Voleyball Club te an tel a Pool 2 ve ve ah then an ni. Pool 2 aṭang hian Winner leh Runnerup ten Semifinal an khel ang.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram