Sawrkar laipuiin mimal ram a lak dan, zangnadawmna a pek dan leh a ram neitute a chawmdawlna atana Dân thar a siam ‘The Right to Fair Compensation and Transparency in Land Acquisition, Rehabilitation and Resettlement Act 2013’ chu Mizoram dinhmun ngaihtuahin hman remchang lo deuh a hriat a nih avangin hemi chungchang zir tur, ngaituah leh a ṭul chuan dan thar duang tur atana Mizoram Sawrkarin Drafting Committee a din chu nimin khan Land Revenue & Settlement Minister leh he Committee Chairman ni bawk Pu R. Romawia hovin a vawikhatna atan an ṭhukhawm.Committee chuan zau taka an sawiho leh ngaihtuah hnuin ‘Land Acquisition and Requi-stion’ chungchangah hian Central leh State sawrkarte thuneih-na intawm a nih avangin hemi chungchanga Ram Danpui hnuaia Article 371 (G) a Mizo-ram dinhmun leh Ram Danpui hnuaia Article 371 (A) a Nagaland dinhmun te uluk zawk a zir chian nise tih te, Nagaland sawrkar in a kalpui dante zirchian nise tih te leh New Delhi a Resident Commissioner kaltlanga hemi chungchangah Constitutional Expert rawn dan kawng dap nise tih te an rel a, chumi hnuah chauh Mizoram sawrkar ina hma a lak zel dan tur la ngaihtuah nise an ti.
Loading ...