Sawrkar laipui chuan hmeichhe naupang chhanhim leh tihchakna tur beihpui thlakna-Beti Bachao-Beti Padhao campaign a hawng a. He scheme hi nimin khan Prime Minister Narendra Modi-a’n Haryana a Panipat ah hawngin, ramchhung a mipa naupang leh hmeichhe naupang awmzat inbuktawk lohna inhrilh hriatna kawngah a tangkai hle dawn a, ram pum a he scheme bawhzuina tur district 100 zing a hmeichhe naupang awm zat tlem zualna district 12 ah Haryana hi a tel a ni.
He scheme in a tum chu hmeichhia leh mipa thliar hranna thil tih reng reng dan nan a dan khauh tak a kenkawh a d an bawhchhia te khauh tak hremna pek ani a, hmeichhe naupangte ei tur tha, hriselna leh zirna pek te leh anmahni thliar hranna nuaibo leh thliar hranna lak a ven ani bawk ang.
Ram pumah choh rual a mipa naupang leh hmeichhe naupang zat inthlauh dan chu hmeichhia 918 zel ah mipa 1000 awm ang a nih laiin Haryana bik ah chuan hmeichhe naupang 879 zelah mipa naupang 1000 awm ang a ni.