Serchhip-a Republic Day lawm dan tur rel

Nimin chawhnu dar 1 khan Pu VL  Remliana, MCS, Additional DC kaihhruaiin DC’s Meeting Room-ah Serchhip a Department hrang hrang leh tlawmngai pawl hrang hrang aiawhte Republic Day, 2015 Serchhip-a hman dan tur ngaihtuahin an thukhawm.
Serchhip-a Republic Day lawmna inkhawm hi Leisekawt Field, P&E Veng, Serchhip a neih tura ruahman a ni a, January ni 26, 2015 chawhma dar 11-ah ṭan a ni ang a, District Bawrhsap Pi Juhi Mukherjee, IAS chu khuallian a ni ang. Republic Day zing ni chhuah rualin Sawrkar pisa zawng zawngah India Hnam Puanzar khai vek tur a ni a, January ni 26, 2015 -ah JNM Hospital (Poor Fund), Salvation Army Old Age Home, Adult Rehabilitation Centre leh Shalom Special School ah te Republic Day lawmna thilpek sem a ni ang.

Republic Day lawmna ah hian Parade Contingent 17 (Armed-2, Unarmed-15) tel tura beiseiin, lawmman sem a ni bawk ang. Republic Day lawm tura kal naupang ho zawng zawng hnenah chithlum sem a ni ang a, mi pawimawh sawm bik te pualin chawhnu dar 1-ah Bukpui P&E Rest House ah Bawrhsap huaihawtin “at Home” neih ani bawk ang

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram