Delhi Airport-ah Radioactive pût awmlo

Union Home Minister Rajnath Singh-a’n Delhi International Airport-ah radioactive pût a awm nia a sawi hnu-ah Atomic Regulatory Board chuan hetiang thil pût hi a awm lo tih an sawi.
Nimin zing lam khan ram pawn aṭanga Private damdawi ina hman tura Sodium Iodide Liquid Class 7 rawn thawnluh aṭangin radioactive pût a awm nia sawi a nih avangin Delhi Airport-ah hian emergency team tirhluh nghal an ni a, Sodium Iodide dahna bâwm zâwntu pahnih pawh damdawi in panpui nghal an ni nghe nghe a, heng mi pahnih te hian he bawm an zawh hnu-a an mittui a tlak reng vangin hetianga ralkhelhna hi a thleng a, mahse heng mi pahnih te hi a hnu lawkah damdawi in aṭanga chhuahtir lehnghal an ni.

He thil thleng hi enzui nghal a ni a, a hnu-ah heng Sodium Iodide dahna bawm bula awm, N-Vinyl Pyrodine zawk chu a leak tih an hrechuak ta niin an puang a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram