Aizawl Beautification Committee thurel bawhzuiin Aizawl Bawrhsap Dr. Franklin Laltinkhuma hovin Aizawl khawpui chhunga Telephone leh Cable Television Providers te hruithlun hnawk deuhva hriat te felfai zawka thlun dan tur ngaihtuah hovin Aizawl District Bawrsap Pisa ah an ṭhu khawm.
Nimina Aizawl Beautification Committee thukhawm chuan Raj Bhavan Chhimlam Gate leh Chanmari Kawn inkar kawngpui dunga hrui hnawk chinfel hna hi hna hmasa ah neih ni se an ti a. Chumi hnuah veng hrang hrangah a tahtawla hna thawh zel ni se ti in a rel bakah he hmalakna a lo hlawhtlin nan mipuite tawiawmna an ngen a, Vengchhung bik theuh atana veng tin a din Local Level Beautification Committee (LLBC) pawh in hma an la ṭan tawh a ni.
