Minute 20 chhungin pawikhawihna hmun thlen hman vek tum

DIG Southern range Pu Joseph Lalchhuana chuan nimin khan a Office-ah Lunglei a thuthar thehdarhtute kâwmin Police te hnathawh dan leh an kalphung siam thar a tum thu leh Lunglei khawpui chhung khawi hmunah pawh thilthleng a awm a, koh an nih chuan chuan minute 20 chhunga a hmun thlen hman vek an tum tih a sawi.
DIG chuan Police te mipuiin mamawh a an auhin engtik hunah nge a autu te hnen an thlen ṭhin, engtianga hun rei nge Police ten hun an hman ṭhin tih chu mipui leh Police inkara thil pawimawh tak a ni fo ṭhin tih sawiin, tunhmaa koh eih mai thei lova an awm ṭhin tibo turin Lunglei Police te chuan ruahmanna thar an siam tih sawiin tun aṭang chuan miin Police an auh a, thil ṭhalo thleng a awm a nih chuan minute 20-ah Lunglei khawi vengah pawh thleng thei tur a ruahmanna an siam tih a sawi a, Case liantham; pawngsual leh tualthah thilah phei chuan minute 10 chhunga a hmun thleng tura Time Response an siam thu a sawi bawk.

DIG Southern Range hnuaiah hian Lunglei, Lawngtlai leh Saiha District te a awm a, Police station 14 leh Out Post 7 awmin beat post 1 a awm a. Lunglei Distrist bikah Police 350 awm tur a tih a nih laiin Police 275 chiah an awm a, Post ruak 75 a awm a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram