FC Pune-ah Platt

England midfielder hlui David Platt chu Indian Super League club FC Pune City manager atan ruat a ni.
Kum 48-a upa, Platt tan hian kum 2013-a Manchester City a chhuahsan hnu-a Coach hna a thawhna hmasa ber tur a ni dawn a, tun hma-in Nottingham Forest leh England Under-21 te alo enkawl tawh ṭhin a ni.

Platt enkawl tur player zingah hian nikum lama goal 6 thuntu Juventus Striker hlui David Trezequet pawh a tel a ni.

Platt chuan, “He mawhphurhna ka chelh hma kha chuan Indian Football chungchang hi hriat ka nei lo,” tiin a sawi a, “Ka zir belh zel a, ka hriat belh zel a, ISL leh leh FC Pune kalphung hian min tiphur hle a ni,” tiin a sawi.

ISL Season thar hi October thlaah ṭan leh a ni dawn a, chawlhkar 10 chhung vel khelh leh a ni ang.

Platt hian England tan game 62 a khel hman a, Club lamah chuan Aston Villa, Arsenal, Juventus, Sampdoria, Bari, Nottingham Forest leh Crewe Alexandra tan alo khel tawh ṭhin a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram