Hmuchhuak

Mithiamin Vawkpui kah raina siam danglam chu Inrinni khan Selesih-a India Veterinary Association (IVA) Annual General Body Meeting-ah pho chhuah a ni.
Regional Board Semen-tation in-charge, Dr. H. Lalzarliana’n tunhnaia Vawk kah-raina hmanlai mek aṭanga siam danglama a hmuhchhuah thar hi pholan a ni a. Vawkpui karai nana hman mek Boar Semen Extender (BSE) phut (Powder) chu a tuiril (liquid form)-in Dr. H.Lalzarliana hian a siam chhuak a. AH and Vety Department-in Vawkpui kahrai-na’na an hman lai mek hi a thih (expire) hma avangin rei a dah ṭhat theih lova, hmun hla zawk leh kilkhawr zawkah pek chhuah a buaithlak phah thin hle niin an sawi a. Dr. H. Lalzarliana thil hmuh chhuah thar hi helama thuneitute’n dan anga an pawm hnu-ah a taka hman theih a ni dawn a ni.