Liverpool player thar tur Danny Ings

Liverpool chuan Burnley Striker Danny Ings chu an lalut dawn tih an sawi chiang ta.
England under-21 international Ings hian Turf Moor-ah a contract hmang zo-in July ni 1 khian Liverpool hi a zawm fel dawn a, season thar atana Liverpool-in player an lakluh pahnihna a ni dawn a, kar hmasa khan Manchester City aṭangin James Milner an lo lalut tawh a nih kha.

Kum 22 mi, Ings hian tun season liam taah khan Premier League-ah goal 11 a thun a, mahse a club te hi Premier League-ah a inham tânpui zo lo a ni.

Liverpool forwards Mario Balotelli, Fabio Borini, Rickie Lambert leh Daniel Sturridge te chuan season liam ta khan Premier League-ah goal 8 chiah thunin Premier League-ah 6-na an ni.

Ings hian kum 4 kalta khan Bournemouth aṭangin Burnley hi £1m-in a zawm a, Burnley tan game 130-ah goal 43 a thun a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram