Nimin zing dar 1:15 vel khan Lunglei District Education Officer pisa kawtah Jelatin nia rin bomb a puak a, mihring thi leh hliam an awm lo.
Thulakna tarlan danin bomb hi DEO office gate ban-ah a tipuaktute hian an ṭawn bet a. Gate leh a ban hi chu chhe vak lovin DEO office tukverh darthlalang 5 leh a bula RMSA office tukverh darthlalang 30 a tikeh a. A bul ami tho thingpui dawr bang rangva a titawm bawk.
Lunglei DEO hian he bom puak chungchangah hian Lunglei Police Station-ah FIR a thehlut a, chhui zui a ni a, tun thlengin mi man an la nei rihlo nia thudawn a ni. DEO Office kawtah hian tunhnai khan sikul ṭan hma duhlote’n lungawi-lohna an lo lantir tawh ṭhin a ni.