Mother Teresa thlaktu, Missionaries of Charity Superior General hlui Sister Nirmala chu rei vak lo a damloh hnu ah nimin zing khan a thi a, kum 81 a upa ni.
Sister Nirmala hi July ni 23, 1934 khan Ranchi-ah a piang a, kum 1997-a Mother Teresa thih hma thla 6 khan Missionaries of Charity hotu lu ber atan thlangin kum 2009 thlengin a chelh a, khami kumah vek khan Civil mite chawimawina sang Padma Vibhusan pek a ni.
A ruang hi Calcutta a St. Paul’s Church ah zalh a ni a, vawiinah vui turin Mother House ah lak a ni ang.
Prime Minister Narendra Modi chuan Sister Nirmala thi chu pawi a tih thu a sawi a, mirethei leh chanhai te rawngbawl nan a hun pum a hmang thi a ni, a ti a, Congress President leh Vice President Sonia Gandhi leh Rahul Gandhi, Cong Party leh W.Bengal Chief Minister Mamta Banerjee te pawhin Sister Nirmala thi chu pawi an tih thu leh an tui thu an sawi a ni.