Aizawl Municipal Council leh Traffic Police ten Aizawl khawpui chhunga kawngpui sira dan lova zan lama motor dah man beihpui an thlak mekah nizan hmasa thleng khan motor 844 an man tawh.
Kar kalta chhung khan kawngpui sira motor dah 727 an man a, Sticker bel zelin a tuk lama Aizawl Traffic Control room an thil tihfel tur tifel tuin koh an ni a, Office-ah hian dan an bawhchhiat vangin MV Act section 177 angin hremna pek an ni.
Traffic Police OC chuan tuna an hmalakna zawm ṭhalo leh dan bawhchhe nawn leh te chu hremna nazawk pek an ni ang a ti a, chumi hnua an bawh chhiat leh chuan Motor hnuhna hmangin Police Station-ah hnuh luh a ni anga , chumi hunah chuan hremna a na tawh ang a, an pawisa chawi pawh a hmaa mi aiin a sâng zawk tawh dawn a ni a ti.