Ni li kalta chhung khan Central YMA SRS leh CID Crime Special Narcotic PS tangkawp chuan Cheng vbc 3 chuang hu Methamphatamine an man.
An thu hriat bawhzuiin SRS leh CID Crime Special Narcotic PS hian nizan hmasa khan Zemabawk Forest Check Gate-ah tunlaia ruihhlo hlauhawm ber a ngaih Damdawi kheh chi Pseudoephedrine aṭanga siam Methamphetamine mum 50,000 an man a. He ruihhlo hi ngaih a awlsamin, taksa rei loteah a ei rawp ral thin a sawi a ni a, tun ṭuma man hi local market a chhutin cheng nuai 150 hu a ni.
Heng ruihhlo neitua puh te chu Thangdailova (32) Myanmar lam mi Lalthan-khuma (31) Myanmar lam mi tho leh an thurualpui Lalropuia (54), New Champhai, bakah Lalremthanga (54) Zokhaw-sang, Zemabawk te an ni a, anni pawh hi man nghal an ni.
Zirtawpni kalta tlai lam khan Central YMA SRS, CID Crime Special Narcotic PS leh Kolasib YMA Sub-Hqrs., ṭangho chuanThingdawl Hmarvenga cheng Pu V.Z. Kapmawia In aṭangin Methamphetamine mum 58,800 an man a. He ruihhlo hi Local Market rate a chhutin Rs.1,76,64,000/- hu a ni. Hriat theih chinah hetiang ruihhlo hlauhawm, ṭum khata man tam ber a ni a, ruihhlo neitu nia inchhal Samuel TT Thanga Kolasib College Veng chu ruihhlo manna hmunah hian Thingdawl Branch YMA te puihnain man tel nghal a ni.
Ni 4 chhunga Central YMA SRS leh CID ten Methamphetamine an man hi mum 1,08,800 a ni a, hei hi local market-ah chuan cheng vbc 3.264 hu a tling a ni.