Nimin khan SP Conference Hall Serchhip-ah Vaihlo leh a kaihhnawih khuahkhirh kawnga hriattur \ul inhrilh-hriatna, Serchhip District-a Police te tan neih a ni.
He hun hi Pu V.Lalduh-awma, Inspector, Reserve Officer in kaihruaiin Pu Romil Baaniya, IPS, SP Serchhip-in hawnna thu a sawi a, SP chuan Police te chu Force mi an nih avang leh dan leh thupek kenkawh kawnga mawhphurh-na an neih avangin Dan an hriat a ngai hle a ni a ti a, Zuk leh hmuam do kawnga dân ang tak a hma la thei tura inzirtirna hun an hmang thei chu lawmawm a tih thu a sawi bawk a ni.
He hunah hian Pu ZT Vawra, District Co-ordinator, Mizoram State Tobacco Control Society hnen a\angin COTPA ACT hrang hrang te leh Vaihlo-in mihring te hriselna a khawih pawi theihzia leh a hlauhawmna hrang hrang zirtirna ngaihthlak a ni a, hemi hnu hian sawihona hun \ha tak hman a ni bawk.
He huna tel tur hian Serchhip Police Station-a awm te bak ah District chhung a\angin Thenzawl Sub Police Station leh North Vanlaiphai Sub Police Station a\angin Police te an kal bawk a ni