Nimin chawhma dar 10 khan Serchhip-a a pahnihna atan Tlangnuam Veng (BSNL Office chhak)-ah Serchhip Industrial Co-Operative Society ten Zu Dawr hawng ve leh a, nimina an inhawn ṭanni khan Rs.70,000/- man vel an hralh chhuak a ni.
Tunhnai a Serchhip khawpuia Sawrkar phalnaa Zu Dawr hawn a nih tak avang hian Zu lei phalna (Permit) form buaipui pawh an ṭhathnem phah hle a, Excise & Narcotic Office Serchhip-a thawktu te pawh Zu Permit siamin leh pe chhuakin an buai ṭhin hle ani.
Hetihlai hian nimina Ser-chhip Industrial Co-Operative Society-ten Zu dawr an hawn-na hmun hian Kohhran Thiang-hlim Biak In a hnaih avangin an dawr hawnna hi an sawn leh dawn a, an dawr an sawnna tur erawh an la hre thei rih lo a ni.