Kumin 2015 Village Council inthlan Champhai District chhunga neiha thubuai awmte ngaihtuah turin Thawhlehni aṭang khan Champhai DRDA Conference Hall-ah Election Tribunal Hearing neih tan a ni.
Election Tribunal Hearing-a ṭhu tur hian Pu R. Lalram-nghaka, Director, LR&S Department; Pu CC Lalchuang-kima, Project Director, DRDA, Champhai leh Pu John LT Sanga, Secretary-cum- Development Officer,
SHDC te ruat an ni a. Village council 7 – Champhai Kanan, Khuagphah, Ruantlang, Champhai Veng-thar, Hnahlah leh Khawzawl Dinthar a inthlan kalpui dan leh result chungchangah te thubuai a rawn lut a. Farkawn atanga
thubuai thehluh awm chu withdraw leh a ni.
Hearing-ah hian thubuai thehlut tute leh election laia duty te koh an ni a, lungawi-lohna an thlen te chu ngun taka ngaihtuah sak in, a tul angin election duty a awmte atang sawifiahna an zawt bawk.
Thawhlehni khan Cham-phai Kanan veng thubuai ngaituah sakin, nimin khan Ruantlang VC lam ngaihtuah a ni a. Vawiin chawhma hian Champhai Vengthar ngaihtuah niin, chawhnu lamah Hnahlan thubuai ngaihtuah a ni ang
a, naktuk, Zirtawpni hian Khawzawl Dinthar leh Khuangphah VC election kaihhnawiha thubuai thehluh chu ngaihtuah leh a ni ang.