Zothlifim Logo
Loading ...

Extension Training Centre, SIRD Pukpui Lunglei chuan nimin khan Pukpui ETC Conference Hall-ah thingtlanga chengte tan sawrkarin ruahmanna a siam hrang hrangte chanchin thar thehdarhtute a hrilhfiah.
He hunah hian ETC Pukpui-a thawkte’n Central Sawrkar flagship programme hrang hrangte a ṭobul leh a awmzia, mipui tana a ṭangkainate chanchin thar thehdarhtute an hrilh a, zawhna leh chhanna hun hman a ni bawk.

Resourse person ten an tarlan dan chuan, Mizoram puma Dist 8-ah MGNREGA bikah Job Card 1,82,947 a awm a, heng zingah hian chhimlam Dist 3- Lungleiah 34,800, Saiha Dist-ah 13,787 leh Lawngtlai Dist-ah 27,562 awmin kumin hian Lawngtlai leh Lunglei Dist-ah ni 100 inhlawhna turah ni 2 inhlawh tawh a ni a, Saiha Dist-ah ni 3 inhlawh tawh a ni.

IAY bikah kum kalta khan Mizoramin Cheng Nuai 124, Sing 5 Sang 1 leh 300 a dawn aṭangin Lunglei RD Block-ah In 239, Hnahthial RD Block-ah In 212, Lungsen RD Block-ah In 271 leh Bunghmun RD Block-ah In 191 sak zawh tawh a ni.

Hetihlai hian tun Financial Year-ah chuan IAY atan hian Central aṭangin Cheng Nuai 610.8300 sanction a ni a, In 1293 sak tura ruahman a ni. Heng Scheme bakah hian PMGSY, NPLMP, IWMP, NSAP, CAPART leh Swachh Bharat Mission te an zirtir a ni.

He hunah hian Lunglei, Saiha leh Lawngtlai Dist. aṭangin chanchin thar thehdarhtu 22 chuang an kal khawm a ni.