Dânin a phal chinah in sak a ni em tih thuneituten enfiah

Aizawla Chaltlang leh Durtlang kawngchhoa insak te danin a phal chin a sak a ni em tih sawrkar thuneituten nimin zing khan an enfiah.
Thulakna tarlan danin, UD&PA Dept Secretary Dr C Vanlalramsanga hova Joint Investigation ah hian UD&PA Dept, AMC, Traffic SP, INTACH aiawhte leh a veng kaihhnawih VC te an tel a, inneitute lehkha pawimawh leh thil dang te enfiah turin hriattirna an pe a ni.

Helai hmuna In ṭhenkhat te hi Aizawl Municipal Corporation lamin phalna an lo pe nual tawh nia hriat anih avangin endik a tul tiin sawrkar thunei-tute chuan an endik tih UD& PA Secretary chuan a sawi a, hun tiam neiin, dan anga sak leh sak loh te thliar a ni ang a ti.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram