Hearing nei rih lo turin CEO ngên

Mizorama NGO Co-ordination Committee leh Political party te chuan Bru te laklet zawh fel a nih hma chuan Tripura Relief Camp-a Bru te awmnaah Electoral Roll-a hming chuang leh chuanglo tih chianna hearing nei lo turin Chief Electoral Officer Pi Manisha Saxena hnenah nimin khan an thlen.
Thulakna tarlan danin, NGO hrang hrang leh Political Party hruaitute hi Pi Saxena kaihhruaiin nimin khan meeting an nei a, hetah hian NGO Coordination Committee chuan electoral Roll ennawn hna chu thawh pawh tum mahse dodal an tum tur thu an sawi a ni.

Hetihlai hian, Election department chuan Tripura Camp-a cheng te chungchang telloa siam Electoral roll ennawnna thar ber chu peih tawhin, a tichhuak thei mai tawh a, amaherawhchu Election Commission of India chuan Tripura Bru campa cheng te Electoral Roll tihfel a nih hma chuan Mizorama Electoral Roll ennawn thar ber tichhuak lo turin a ti a, hei vang hian Assembly bial 31-a Electoral Roll te chauh tihchhuah theih a ni a, Mamit leh Kolasib District-a Assembly bial 3 leh Lunglei district-a Assembly bial 7-a electoral roll te chu tihchhuah theih a ni ta rih lo a ni.

NGO leh Political Party te chuan bru laklet chung-changah hian an dinna ngaiah an la ding reng tih sawiin, Tripura relief camp aṭanga Mizorama haw duh lo te chu Electoral Roll atanga paiha Tripura-a châm hlentir ni mai zawk se an ti a ni.

Leave a Reply

This site uses Akismet to reduce spam. Learn how your comment data is processed.