Zothlifim Logo
Loading ...

Nimin khan Serchhip leh Keiṭum inkar NH 54-na kawng chhak lam, Chuanhnuai ram, ṭin 20 hmun vela zau, AH & Vety Department Serchhip leh Serchhip-a Bawngvulhtu Intelkhawm (Multi Comodity Producer Co-operative Society) ten Bawng/Ran chaw an chinna hmun zau tak, kumtin ṭhal laia kâng ve ziah chu ramkâng vênna beihpuithlakna  kalzelah nimin khan NH 54-na kawng kam 2 kms. huam chhung kawngchhak lam mei kan kai hlauhawmna laite thenfai hnatlang neih a ni.
Serchhip Chuanhnuai rama Vety Department Serchhip  leh Multi Commodity Producer Co-operative Society-ten an enkawl mek ran chaw chinna hmun hi khualzin veivakte leh mi kuthlei tuarin kumtin a kâng ziah ṭhin a, hei hian Serchhip chhim lam ram  nasa takin a tikâng ṭhin a, kuminah chuan helai hmun kâng ṭhin venna pakhat atan nimin khan mei lam sialin hnatlang neih a ni a, hnatlangah hian Serchhipa Bawngvulhtute Serchhip Association member te leh KṬP Serchhip Bazar Kohhran te mi 40 chuang an thawk chhuak a, kangmei laka mitinte fimkhur-pui turin an chah nghal bawk.