Parliamentary Secretary awmlo se ti

PRISM chuan kan ram dinhmun an zirchiannaah kan sum dinhmun chhelai siamṭhat nan mirethei (mipui) tawrhna belh zawnga bul ṭan lova  sawrkar lam inenfel hmasa se an duh tih sawiin, Parliamentary Secretary pawh hi awmlo se an duh tih an sawi.
PRISM-in nimina thu-chhuah an siamah December 26, 2015-khan Ṭhuampui veng a Er K Lalrimawia inah Mizoram Dinhmun zirchiahna beihpui thlak programme an hmang tih sawiin, heta thusawitu an President Pu Vanlalruata chuan kumtinin lehkha thiam an pung zel a, hna erawh a punglo mai niloin hnathawh tur zawnga ram pawna in thawnchhuah chu tuna kan ram hruaitute sawimawi mek hi niin a langa ram hmasawnlo zia a ni a ti s. Ram in hma a sawn chuan hmun danga hnathawka chhuakte pawh an ramah an haw thin tih sawiin kan ram hi chutianga siam tur chuan a bul atanga tan a ngai a, kan sum dinhmun chhe lutuk hi pha kual vel lova siamthat hna kan hruaituten an thawh a tul a, mipui a rethei zawkte bawk nekchep zawng nilo a hma an lak a ngai a, kan mamawhloh hnathawktu te ban then a, kan mamawhna zawnah thalai mithiam zawkte hna zawnsaka kawng zawng thiam leh peih an nih a tul a, Parliamentary Secretary te pawh hi awmlo se kan thatpui zawk ang a ti. Sawrkar hnathawk anga hlawhpek thawktu tak tak awm silo chu ram hruaituten an neih teuh teuh avanga sawrkar hnathawk tam takin an insiam lem thin a nih a rinawm tih sawiin mipui sum hmanga an nawmchenna tih tlem chu hna hmasabera an nei a nih loh chuan miretheiten an thu an zawmlo mai ang tih a hlauhawm tih sawiin sawrkar chu fimkhur tak leh thleibik nei loin kal se a duhthu a sawi a ni