Champhai-ah Geletine leh Anchiri ṭhahnem tak man

Pathianni zan khan Champhai Khankawn Police Check Gate-ah Aizawl leh Zokhawthar inkar a service Maxicab 2 atangin Geletine tlawn 400 leh Anchiri (Rambâl) Quintal 2 man a ni.

Geletine tlawn 400 phurtu Maxicab khaltu chuan a thil phurh hi Champhai Bethel Venga hlân thlâk tura phur a nih thu leh a neitu hi ‘Mawitea’ inti a nih thu a sawi a. Tualchhung hralhna-ah Geletine tlawn khat hi Rs.40/- a ni. Myanmar lama lâk chhoh tur Anchiri (Rambal) phurtu Maxicab Driver chuan ‘Mantei’ inti ta a nih thu leh amah (Mantei) pawh Aizawl aṭanga Kawlkulh thleng a motor-ah a chuan ve hnu-in lirthei dang hmangin Zokhawthar pana kal thu Police te hnenah a sawi a, heng Anchiri (Rambal) te hi Kg khat Rs.7,000/- man vel a nih thu a sawi bawk.

Geletine tlawn 400 phurtu Maxicab khalhtu hi Champhai Police Station-ah Indian Explosive Act tlawhchhanin thubuai siamsak a man a nih bakah Maxicab pawh hren zui nghal a ni a. Maxicab pakhat Anchiri (Rambal) phurtu zawk hi ramhmul dan lova ramdang a hralhchhuah tum a nih angin Champhai DFO kutah nimin khan hlan anih thu Champhai Police hotute chuan an sawi.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram