Serchhip Block Congress Committee chuan June ni 30, tunkar Zirtawpnia Remna ni lo thleng tur chu an party huai-hawta lawmna neih an tum.
He thu hi tunhnaia an President Pu PC Vanlalsawma kaihhruaia ṭhutkhawm an neihnaah an rel a, Remna ni hman dan tur kimchang, a hmun tur leh programme tur chu hruaitute ngaihtuah atan an dah a ni.
Remna ni hi nikum khan YMA huaihawtin Mizoram hmun hrang hrangah lawmna neih a ni a, kuminah erawh YMA lamin huaihawt an tum lo a ni.
Block Congress Committee ṭhutkhawmnaah hian tunhnaia an hruaitu boral, State Organiser Pu T.Rosiama sunna hun an hmang a, VC hrang hrang aṭangin report an ngaithla bawk a ni.