Hrangturzo W Block Congress-in Special Conference hmang

Nimin khan Khawlailung Community Hall-ah Hrang-turzo West Block Congress Commi ttee huaihawtin Special Conference-cum-Mi thar Lawm luh programme siam a ni a, Pu Lal Thanzara, Health Minister etc chuan Hrangturzo West huam chhung khaw hrang hranga party hrang hrang aṭangin Congress party-ah mithar 175 a lawm lut.
He hunah hian thusawiin, Pu Lal Thanzara chuan Khawlailung Sub Centre building hlui lutuk tawh chu an khawtlang hruaitute lo thlen angin sak ṭhat dan kawng zawn a ni ang a ti a. Hrangturzo biala hmasawnna hnathawh nan cheng nuai 300 dah a nih thu pawh sawiin,  India rama Kristiante tiduhdahtu BJP party mawng zawmtu MNF hi hriatchiana hnawl zel a ṭul a ni a ti a, MNF chu BJP zawma an tha chakna hmanga hmalak an tum thu a sawi bawk.

Bialtu MLA Pi Vanlalawmpuii Chawngthu pawhin mithar lawmluhna programme-ah hian thu a sawi a ni.