Nimin khan Mamit Sub Hqrs YMA hruaitute leh Mamit Forest Department hotute chuan National Highway 44A kawng laih mek, Zongaw hmun ami chu an enfiah a, he kawng laihin a sut chhhiat tur ramngaw thing, forest department ten an kih leh an zai mekte enfiahin thingzai te hi kawngpuiin a sut chhiat tur a mi te niin an sawi.
Nimina kawng enfiahna hi Sub Hqrs YMA Vice President Pu K.Lalthanzama leh Mamit Forest Department DFO Pu Lalnunsanga Khawlhring te ho-a enfiah a ni a, he enfiah hna an kalpui nachhan ber chu mi tam takin ngaw chhungah dân loa Forest Department-ten thing an zai anga sawi awm chu enfiah niin, Forest Department lam hian Motor kalna tur, National Highway 44A-in a tantlang tur ami chauh an zai a ni tih an finfiah niin thulakna chuan a tarlang a, he thilah hian dân bawh-chhiatna leh dik lo taka ramngaw tih-chereu tumna a awm lo niin an sawi a ni.
Mamit DFO, Pu Lalnunsanga Khawlhring chuan National Highway-in a tihchhiat tura thing awmte chu sawrkar revenue a awm theih nana zai an nih thu sawiin tun dinhmunah hian Thing Cubic (Thingzai) 9413 vel an zai chhuah tawh thu a sawi bawk a ni.