Serchhip District-a bank hrang hranga pawisa dahluh zat cheng nuai 16696.74

Nikuma Serchhip District chhunga Brank hrang hrangin Deposit an dawn zawng zawng belhkhawm chu cheng nuai 16696.74 a ni a, Loan chi hrang hrang sem chhuah chu cheng nuai 9456.51 niin, Credit Deposit Ratio (CD ratio) hi 56.64% a ni.

He thu hi nimina District Bawrhsap Pi Sanchhin Chinzah, MCS hova DCC/DLRC)/DLSC hova ṭhutkhawmnaah sawilan a ni a, Serchhip District-a CD Ratio hian CD Ratio tlin tura bituk zât 60% an tlin lova, UBI chu CD Ratio sang ber niin 171.01% a ni a, a hniam ber chu SBI niin 42.86 a ni, CD Ratio hian nikum a phak lohna chu 2.13% a ni.

Meeting-a tarlan a nih danin, Annual Credit Plan hnuaiah Priority Sector bikah target hi Cheng nuai 2315 a nih laiin nikum chhung khan cheng nuai 3198.88 pek chhuah a ni a, an pekchhuah hi 138.18 % lai a tling a ni.

Hetihlai hian Priority Sector peng pathum zinga Industry Sector hnuaia loan pek hi a tlem fal hle a, 65.03 % chauh tlin a ni. Industry Sector a hniam chhan hi Industry activity a tlem vang a nih thu sawi a ni. Agriculture Sector ah target hi cheng nuai 660 a ni a, a taka pek chhuah chu cheng nuai 616.72 a ni a, Service Sector ah hian cheng nuai 1000 target a ni a, a taka pek chhuah chu cheng nuai 2156.22 a ni.

Priority Sector chhunga Loan pek tawh zawng zawng cheng nuai 1364.19 aṭanga rulhna lut zat hi 75.16% a ni a, he Sector hnuaia loan la, ngaihsak zui miah loh (Non Performing Assete/ NPA) zat hi 8.95% niin a pawisa chuan cheng nuai 607.27 zet a tling a, Basel II Norms-ah chuan NPA hi 5% aia a san chuan Risky Level a ni.

Crop Loan hi target cheng nuai 385 a nih laiin a taka pek chhuah hi cheng nuai 217.01 chauh a ni a. Meeting chuan, Serchhip District chu chaw-hmeh thar chhuah theihna hmun ṭha tak a nih avangin nasa zawka chawhmeh thar chhuak thei tura kuthnathawk-tute dawmkâna, ṭanpui tam deuh deuh nise, tiin a rel a, tun sawrkar kum thar aṭang chuan Crop Loan la ten Crop Insurance an tih zel a ṭul tawh dawn a, hei vang hian Bank lam tan pawh harsatna tam tak sutkian a nih beisei a ni bawk.

Leave a Reply

This site uses Akismet to reduce spam. Learn how your comment data is processed.