Ferrari driver Sebastian Vettel chu Pathianni-a Azerbaijan Grand Prix-a Mercedes driver Lewis hamilton sut avangin hremna dang a tawrh a la ṭul leh mai thei.
Formula one thuneitu sang FIA chu July ni 3-ah an ṭhukhawm dawn a, kha thil thlengah khan action dang lâk a ni dawn em tih an thlir chiang leh dawn a, Hamilton a sut avang khan Vettel hi 0-second stop-and-go penalty pek a lo ni tawh a ni kha. FIA thuthlukna hi July ni 7-9-a Australian Grand Prix neih hma-in puan a ni ang.
Khatia Vettel-a’n Hamilton car a sut chhan kha Vettel chuan Hamilton a tlan muan thut vangah puh mahse Hamilton Car khalh dan chungchang hi chu zawhna awm zui lovin Vettel chet dan chiah hi enzui a ni dawn ta niin a lang.