Mizoram Pradesh Congress Committee (MPCC) President, Chief Minister Pu Lal Thanhawla’n sawrkarin New Economic Development Programme (NEDP) kalpui mah se, NLUP chu thlauhthla lovin, a mamawhte tan kalpui zel a ni ang, a ti.
MPCC Executive Meeting-ah NLUP kalpui zel chungchang ngaihtuah a ni a, thusawitu hrang hrangin NLUP chu miretheite inhnangfak vena ber a nih thu sawia kalpui zel an duh thu an sawi hnuah Party President Pu Lal Thanhawla chuan Memberte’n NLUP chungchang an sawi chu a duhdan a nih ve tho thu sawiin, NLUP chu a mamawh an awm chhung chu kalpui zel a ni ang, a ti a, mimal tuten emaw Zo Carbon chungchanga High Court-a PIL an thehluhah amah leh minister pathum hming lang ve te chu Advocate-General of Mizoram ngenna angin High Court-in a thai bo a ni, a ti a. Lottery chungchangah pawh NLUP ang bawkin CAG report dik loh vangin thil dik lo awm angin a lang a ni, a ti bawk. MPCC Executive meeting hian kumin 2017 December a MPCC term tawp tur chu nakum inthlanpui dawn vangin a pawhsei bakah kumin chhung ngeiin party Assembly neih ni se, a ti bawk.