RIA Food & Medicinal Processing Tanhril Vengthar chuan ramhmul damdawi chi hrang hrang an siamchhuah chu zawrh chhuah theih turin an peih tawh a, a man bithliah fela zawrh chhuah thuai an tum.
Nimin khan Aizawl Press Club-ah RIA Food & Medicinal Processing neitu PC Lalrikhuma chuan thuthar lakhawmtute kawmin Mizoram-ah Ramhmul damdawi tam tak a awm tih a sawi a. Ramhmul damdawi dip chi hrang hrang a siam chhuah thu leh siam chhuah hnem aia a ṭha chauh siam an ngaih pawimawh thu sawiin, an damdawi siam te chu khawvel huap pawhin a zah-puiawm loh thu leh a aia chang-kang zawka siamchhuah tum mek a nih thu a sawi a, an dam-dawi siamchhuah chu Mizoram University mithiamte pawhin an endik vek niin a sawi.
PC Lalrikhuma chuan Mizorama ramhmul damdawite chu humhalh a tul thu sawiin ramhmul damdawi te kan fimkhur loh vang leh humhalh that loh vangin Burma sumdawng ten a ruka rawn leiin ramhmul damdawi thate an tichereu mek tih sawiin, Heng damdawi te hi venghim a, a bo lohna tura enkawla mawhphur turin Ayush leh State Medicinal Plants Board-te awm mahse a ruka ramhmul damdawi hmanga sumdawngte hian thurualpui an neih avangin a chereu mek zel a ni a ti bawk.