Saitual District Implementing Demand Committee leh Saitual khaw chhunga pawl hrang hrang bakah Village Council member te thukhawm chuan Saitual District tih puitlin a nih thuai an phut.
Joint Meeting hian Saitual District a taka tihpuitlin an phutna lantir nan in tinah puanvar langsar taka zar theuh nise an ti a, vawiin hian muanawm taka kawngzawh huaihawt nise an ti bawk a, Sawrkar chu August ni 12 ral hmaa hma la ngei turin an ngen tih an sawi.
Joint Meeting thutlukna ang hian Saitual-ah hian in tinah tharum tel lo a District tih puitlin an duhzia lantinan puanvar zar mek a ni a, vawiina kawngzawh an huaihawt chhung hian an khaw paltlang tur lirtheite pawh chawl rih turin an ngen a ni.