Wimbledon khelh mekah vawi 5 champion tawh Venus Williams chuan Wimbledon-a singles match 100 a khelhnaah French Open champion Jelena Ostapenko hnehin Semi-Final a thleng.
Williams hian Latvian nula kum 20 mi hi darkar 1 leh minute 13 chhungin 6-3, 7-5-in a hneh a, Last four-ah hian British Number one Johanna Konta a hmachhawn dawn a, Konta hian Second seed Simona Halep hnehin Semi-Final hi a lut a, Semi-Final dangah Garbine Muguruza chuan Magdalena Rybarikova a hmachhawn ve bawk ang.
Kum 37 mi, Williams hi kum 1994-a Martina Navratilova hnu-ah Wimbledon Semi-Final thleng thei upa ber a ni a, kum 2000 leh 2009 inkarah khan Wimbledon-ah hian rorelin title 5 a lak bakah ṭum 3 lai runner-up a ni bawk a, mahse kum 2008 hnu lamah Grand Slam title a la leh ta miah lo a ni.
2015-a SW19 finalist, Spaniard Muguruza hian Svetlana Kuznetsova chu darkar khat leh minute 15 chhunga 6-3, 6-4-a hnehin Semifinal hi a thleng a ni. Semi-Final-a a hmachhawn tur Rybarikova hi a khup hliam leh a banrek hliam vanga hun engemawchen chawl a ni a, March thlaa ranking tihchhuahah pawh Top 400-ah pawh a lang pha lova, Wimbledon History-a Semi-Final khel thei rank hniam ber 8-na a ni.