YLA thingzai mansa ruk chhuah tumtu te man an ni

Central Young Lai Association (CYLA) Kumpuan Committee leh Lawngtlai Chanmari Branch YLA ṭang-dunin KMMTTP kawngpui sial mek kama dan phal loh zai ni ngeia hriat, Thingzai Cubic 9000 vel an man sa ruk tumtute nizan hmasa khan man an ni.

Central YLA Kumpuan Committee leh Lawngtlai Chanmari Branch YLA te hian thingzai hi Inrinni kalta khan an man a, a tam tham deuh avangin an la senghawi hman lo a. Heng an thingzai man sa te hi nizan khan mi ṭhenkhatin truck 2 hmangin ruk chhuah an tum a, heng thingzai ruk tumtute hi Chanmari branch YLA ten nangchingin an man a, truck nen hian an hreng zui a ni.

Central YLA hruaitute chuan heti ang a kan ram thing leh mau tichereu zawnga thil ti ṭhin te hi dim an tum loh thu sawiin, sawrkarin Thing leh Mau, Ram leh Hnam Humhalh a ṭulzia hria a theihtawp chhuaha hma a lak mek lai leh Central YLA tena ngawrh taka Ram Leh Hnam Humhalh kawng a hma a lak mek laia hetiang a a ruk a rala sumdawna atana kan ram thing leh mau tichereu zawnga thing zai ru engemawzat an awm reng chu hriatthiam harsa an tih thu an sawi bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram