Skip to content
Home » Chanchinthar » Aadhaar leh Ration Card thlun-zawm za-a 48.70 zawhfel a ni tawh

Aadhaar leh Ration Card thlun-zawm za-a 48.70 zawhfel a ni tawh

Tun dinhmunah Mizoram pumah Adhaar Card leh Family Ration Card thlunzawm tawh chu za zela 48.70 ( 48.70%) a ni.

He thu hi nimina Pu HL Rochungnunga, Secretary, Department of Food, Civil Supplies & Consumer Affairs (FCS&CA) hova a pisa-a Aadhaar number leh Family Ration Card thlunzawm dan tur chungchangah sawihonaah sawilan a ni a, he hunah hian Internet Conectivity ṭhat loh vangte, mipuite hrilhhriatna ṭhat tawk loh vangte leh inkalpawhna kawnga harsatna leh thil dang avang ten duh anga hmalak chak a harsat thu tarlan a ni.

Mizoramah Aadhaar number leh Family Ration Card thlunzawm hna hi tun dinhmunah thawh mek a ni a, he meetingah hian sawkar laipui aṭanga hriattirna awm angin AAY leh PHH Ration Card neitu zawng zawngte chu September ni 30, 2017 ral hma ngeia an Ration Card te Aadhaar number nena thlun-zawm hman vek tura beisei an nih thu tarlan a ni a, hemi kawnga chak zawka hmalak a ngaih avangin FCS&CA Department hnuaia DCSO te leh GAD hnuaia DC zawng zawngte ṭhahnem-ngai lehzuala hma lakho zel dan tur meeting-ah hian rel a ni.

Meeting-ah hian district tina DC aiawh te, GAD, DCSO, I&CT Department leh NIC lama hotute bakah FCS&CA Department hotute an tel kim hle a ni.

Leave a Reply

This site uses Akismet to reduce spam. Learn how your comment data is processed.