Mamit SSA DPC Transfer Order lehkha Mamit MZP-in an hâl

District Project Co-ordinator (DPC) SSA Mamit Pu Micky R.Lalenkawla thlaktu awmloa Lungleia transfer a nih duhloh entirnan MZP Headquarters Mamit huaihawtin transfer order lehkha chu nimin khan hal a ni.

SSA Office tualah transfer order letter hâlna hun Mamit MZP Vice President Christopher Lalmuankima kaihhruaiah hian Mamit MZP Hqrs. President Lalropuia chuan Mamit District chhunga sawrkar hna thawk thlaktu awm lova District dangah transfer an ni ṭhin chu pawi a tih thu a sawi a, hmun danga sawn tawhte pawh dah let tura sawrkar an ngen mek lai a, DPC SSA Mamit hmundanga transfer a ni chu MZP chuan pawi an tih thu an sawi a ni.

Sawrkarin transfer order a tihchhuah tawh chu ennawn leh a, Pu Mickey R.Lalenkawla thlaktu tur DPC qualify an awm rih lo a nih chuan, transfer order chu cancel hrih turin sawrkar thuneitute an ngen tih an sawi a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram