Aizawlah National Handloom Day hmang

Ramchhung hmun dang rualin nimin khan Mizoramah National Handloom Day hman a ni a, Aizawlah Assembly Annex Conference Hall-ah ah leh Mizoram University-ah te hman a ni.

Commerce & Industries Department changtu Parliamentary Secretary Pu Joseph Lalhimpuia chuan Assembly Annex Conference Hall-a he ni puala inkhawm hi hmanpui-in, Handloom hi Mizo thil deh chhuah khawvel hmaa pho chhuah tlâk leh remchang ber a ni a ti a, Mizoramah puan tahtu an pung nasa a, inelna sâng zel-ah design nalh leh kut chhuak mam ṭha neih a pawi-mawh a ni, a ti a, Mizorama puantah tam zawk acrylic hmanga siam chu silk leh natural fibre-a thlak a ṭul thu sawiin, hei hian handloom hmanga sumdawn-na bakah ram pawna thawnna kawngah pawh hmasawnna a thlen tur thu a sawi a. Puantah tur chuan zirna leh thiamna hranpa neih a ngai lo tiin taihmak leh thawhrim a tul thu a sawi a. ‘ Mizoram Handloom Research and Promotion Coun-cil’ din a nih tawh thu tarlangin NEDP hnuaiah natural fibre hman dan tur inhrilhhriatna Mizoram Handloom Research and Promotion Council hian an kalpui tur thu leh hemi kawng-ah hmalak mek anih thu a sawi a. Mizoram Handloom Export Facilitation Hub Thenzawl-ah din tura hmalak mek anih thu Parliamentary Secretary chuan a tarlang bawk a ni.

National Handloom Day hi kum 2015 atang khan hman tan niin Commerce & Industries Department leh Weaver Service Centre, Development Commissioner for Handloom, Ministry of Textile, ṭangkawp-in an buatsaih a ni a, nimina he hun hmanna hi Commerce & Industries Dept. Director Pu J. Hmingthanmawia chuan kaihruaiin National Handloom Day pual hian handloom hmasawnna atan hemi lama thiam bikte atangin zirtirna ngaihthlak a ni.

National Handloom Day hi chu MZU ah hman a ni a, Dte of advertising & Publicity pawh an tel a, an vawikhat hmanna a ni a, he hunah hian, MZU Vice Chancellor Prof Lianzela chuan thu a sawi a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram