Zothlifim Logo
Loading ...

Nimin aṭang khan Serchhip District Badminton Association (SDBA) chuan Ser-chhip Indoor Stadium, Badminton Court pathuma Chief Minister Pu Lal Thanhawla hmalaksaknaa Carpet pathum an phah lawmna atana buatsaih Child Protection’s Badminton Tournament chu khelh ṭan a ni.

Badminton Tournament hawnna inkhawm BRC Hall, SSA DPC Office-a neihah khuallian Pu PC Vanlalsawma, SDBA Adviser, Serchhip Block Congress Committee President ni bawk chuan thusawiin, tun hma lamin Serchhipah Mizo-rama lang phak badminton thiam tak tak, racket leh shuttle cock te leisaka sawrkara lut thei hiala an chher chhuah tawh thu a sawi a, heti chung hian an chher chhuah tur infiammi ṭha tak tak champion zan aṭanga ruihtheihthila tâng hlen zui ta te pawh an awm thu sawiin, infiamna chu eizawnna tling a nih avang tum nei rana khelh tur a ni a ti a. Serchhipa Officer awm te pawhin tun hma a mi te an bawkin naupang badminton thiam chher chhuah kawngah ṭan la thei se a duh thu a sawi a, Serchhipah indoor sport khelhna siam mek bakah Sport Complex pawh siam mek a nih thu sawiin, New Serchhip Hall-a dah tur carpet tihfel thawkhat tawh a nih thu pawh a sawi.

Hawnna inkhawm Pu John Zorammawia SDBA President kaihhruaiah hian Tournament sponsored-tu District Child Protection Office aṭangin Nl. Liansangpuii pawhin thu a sawi a, Tournament hawnna inkhawma report aṭanga a landanin BAdminton Court pathuma carpet te hi Japan ram aṭanga lak luh niin, a hmunah chuan pakhat man Rs.34,500/- ni mahse, a phurh thlenna man zawng zawng nen chuan cheng nuai 15 sen a ni.

Nimina hawnnaah hian MJA te, Serchhip District Sports Committee te leh District Child Protection Office Staff-ten exhibition match khelin, Tournament khelh ṭan zui nghal a ni.