Tunhnaia Medical Seat allotment Central-in a ruat thar chungchangah nimin khan Mizoram MP pahnih – Pu Ronald Sapa Tlau leh Pu CL Ruala te chuan Union Minister of Health, Jaggat Nadda hmuh an tum a, mahse Himachal Pradesh-ah a lo zin avangin hemi chungchang khawihtu Jt. Secretary Arun Singhal an hmu.
MP pahnih te hian NEET result chhuah tawh hnuah leh zirlaite seat chang tura inngaiten beiseia an nghah mek tawh hnua Mizoram State quota chauh tihtlem a ni ta thut chu hriatthiam a har thu an thlen a, Arun-a chuan Order chhuah hun hunah hriatthiam har ti pawl an awm dawn tih leh hrethiam lotute dinhmun pawh an hriatthiam thu a lo hrilh a, Arun-a sawn dan chuan tun hma deuh aṭang tawh khan mumal zawk leh rualkhai zawka Quota sem tura rawtna a lo awm tawh ṭhin tih sawiin, kumin aṭang chuan State tina mipui awm dan a zir (population based)-a tih a nih thu a lo hrilh a, Minister order ang chuan mipui nuai 1 zelah seat 2.5 pek an ni a, Mizoram chu 2011 census-ah mipui nuai 11 an vel awm anga ngaih a ni a, seat 2.5-a puntirin seat 27 a ni a, RIMS, NEIGHRIMS leh Tripura-a seat 13 Mizoramin a neih bakah Seat 17 an la nei tihna a ni a, State lian, Bihar angah te phei chuan mi nuai 1-ah seat 1 nei phak an chauh niin a sawi a ni.
MP pahnih te hian tun thla tawp lama Union Health Minister zin haw hunah hemi chungchang hi sawipui leh an la tum a ni.