State ṭhenawm Manipur-a Swine Flu leh Japanese Encephalitis natna a len’ avangin Mizoram sawrkar chuan Mani-pur ramri-ah invênna lam ruahman thuai a tum.
Health department hotute sawi danin tun dinhmunah a taka ruahmanna siam a la awm lo chungin ngun taka thil awm dan thlithlai a ni a, a ṭul dan a zirin mihring lo lûtte’n heng natnate hi an vei leh vei loh endik tura ruahmanna siam a nih tur thu an sawi.
Manipur-ah hian swine flu a leng tawh ṭhin a, Mizoramah pawh tunhma khan vei an awm leh zauh ṭhin a, chutihlaiin Japanese Encephalitis hi chu Mizoramah vei an la awmlo nia hriat a ni a, Health department hotute chuan Swine Flu hi a tirah chuan vawk aṭanga kai a ni a, mahse tunah chuan mihring leh mihring inkai chhawn theih a ni tawh niin an sawi.