Serchhip leh a chhehvela leimin chungchang zirchianna ngaihtuah

Nimin khan State Geological Programming Board Meeting vawi 22-na chu Aijal Club-ah neih a ni.

Meeting-ah hian Directorate of Geology and Mineral Resources (DG&MR) hna-thawh leh hmalakna te thlirho a ni a, Department dang leh Mizoram chhunga hnathawka awm mek state pawn lam Agency-te nena thawhhona tha zawk a awm theihna atana hmalak zel dan tur te sawiho a ni.

Tuialhthei zawn leh laih chhuah kawnga hmalak zel dan tur te, ONGC in Mizorama hna a thawh tawh te, thawh mek leh thawh zel dan tur te, DGM leh GSI ṭangkawpin Serchhip leh a chheh vela leimin chungchang a zirchianna te ngaihtuah a ni a, Board Meeting-ah hian State Department pawn aṭangin Geological Survey Of India (NER), Oil India Limited (OIL), ONGC (Assam-Arakan Basin), Central Ground Water Board (NER), Indian Bureau of Mines (NE), Project Pushpak, Mizoram aiawhte an tel a, state chhung aṭangin Planning, PWD, Environment & Forest, PHE, Power & Electricity leh Mizoram University (Geology Dept) aiawhte pawh an tel a ni.

DG&MR,Mizoram hian nikum September atanga kumin August thla chhung khan leimin hmun 89-ah an endik a. In hmun hrang hrang 162-ah Geotechnical Study an nei bawk a. Mineral venhimna kawngah pawh theihtawp chhuahin check gate 23 hmun hrang hrangah siamin dan lo a Minor Mineral tawlhruk turte a veng thin tih an sawi , Hemi hun chhung hian Mining permit (Stone Quarry) thar 94 pe chhuakin, permit 253 a tinung thar bawk a. Thil hrang hrang aṭanga sum an hmuh tling-khawm zat chu Rs.1,26,68,967/- a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram