CM hovin Autonomous District Council chungchang sawiho

Nimin khan Chief Minister Pu Lal Thanhawla chuan Chief Minister’s Conference Room-ah sawrkar mi pawi-mawh te leh Autonomous District Council 3 – Lai Autonomous District Council (LADC), Mara Autonomous District Council (MADC) leh Chakma Autonomous District Council (CADC) hruaitute chu Autonomous District Councils (ADC’s) chungchangah ko khawmin thu pawimawh a sawipui.

Meeting kaihruaitu Chief Minister chuan ADC te chu tunhnaiah fimkhur an ngaihna lai te a lo hriat ṭthin thu sawiin, fimkhur taka ram rawngbawlna kalpui zel turin a chah a, Administration kenkawh tluk zetin sum hmandan dik taka kalpui chu ADC’s ten harsatna an tawh loh nan an hriat a pawimawh a ti a, ADC te chuan Financial Discipline khauh taka an zawm leh langtlang taka an hnathawh te an hlen, Mizoram Governor Lt.Gen. Nirbhay Sharma (Retd.) pawhin a beisei tih a sawi.

Chief Minister hova ADC te puala thu ngaihtuah pawimawh zingah hian Department 19 enkawlna chungchang leh mawhphurhna te, State aṭanga ADC te hnena hlan tawh chungchanga sawrkar dinna leh ADC te thilphut chungchang ‘Transfer of Subjects to the 3 (three) Autonomous District Councils’, Sum hmanna tur bik thliar hranna chungchang ‘Separate Head of Accounts for District Council & Minority Affairs Department’, State Matching Share (SMS) ADC te hnena pek chungchang ‘Allocation of SMS to the 3 (three) ADC’s, Dan siam zirchiansak chungchang ‘Vetting of Bills, Ruls & Regulations,etc’, Fund rules leh Grant in Aid (GIA) Rules siamṭhat chungchang bakah thu pawimawh dang te pawh sawi ho a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram