CM-in hawng

India hmar chhak State pariat te Badminton hmanga inelna, ni 4 awh tur, North East Zone Inter State Badminton Championship chu nimin khan Chief Minister Pu Lal Thanhawla’n R. Dengthuama Indoor Stadium ah a hawng.

NE Inter State Badminton Championship hi Badminton Association of India ruahmanna hnuaia neih a ni a, kumtina neih ṭhin, National Inter State Team Championship a Zone aiawha khel tur zawnna a ni bawk. Khuallian Chief Minister Pu Lal Thanhawla chuan infiamna chu ṭhenawm state te nena inlaichinna ṭha siamna hmanrua a hmang theuh turin infiammi te chu a sawm a ni.

CM hian he championship puala buatsaih, Souvenir a tlangzarh bakah Mizoram Badminton Association in website an siam pawh a hawng nghal a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram