Maxicab Service dawn lo

Mamit leh Aizawl inkar kawng NH 44A a chhiat em avangin Mamit Maxicab Driver te chu vawiin aṭangin an service dawn lo.

Mamit Maxicab Driver te chuan an service dawn loh chhan hi kawngpui chei that loh avanga kawng chhiat tak lutuk vang anih thu an sawi a, Mamit aṭanga Dapchhuah thlen hma kawngchhe laiah phei chuan an lirthei chu JCB in chhuk leh chho zawngin a hnuh kal a ngai ṭhin a, hei hi mipui tan a himlo nia hriain vawiin aṭang hian tiamchin awm lova tlan loh an tum ta tih an sawi a, kawng enkawltuten an siamṭhat hma chu maxicab te hi tlan rihloh nise an ti a, Darlung Centre Maxi Cab Welfare te pawhin vawiin aṭang hian service loh an tum ve bawk a, Maxicab Driver te chuan mipuite hriatthiamna an ngen tih an sawi a ni.

Hetihlai hian Hachhek Constituency Maxicab Welfare te chuan nimin atang khan kawng chhiat avangin Maxicab te hi an lo tlantir tawh lova, hei vang hian damlo leh khualzin-ten harsatna an tawk mek a ni.

Mizoram hmun hrang hranga kawng a chhiat nasat avang hian MNF chuan mipuite thlavang hauh nan September ni 14 khian Toatal Bandh huaihawt an tum tih an sawi bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram