Zothlifim Logo
Loading ...

Citizenship (Amemdment) Bill, 2016 buaipuitute hmua hemi chungchanga Mizoram mipui ngaihdan sawipui turin NGO Coordination Committee hruaitute’n nimin khan Delhi an pan.

NGO Coordination hruai-tu kalte hi Central YMA atangin Pu Lalbiakzuala, President leh Pu J.Lalsailova, Treasurer te, MZP atangin Pu Lalsangzuala Ngente, President leh Pu L. Ramdinliana Renthlei, General Secretary te, MSU atangin Pu Lalthanzuala, General Secretary leh Pu B. Lalkhawngaihsanga, Fin. Secretary te an ni a. NGO Coordination Committee aiawhte hian Joint Parliamentary Committee on Citizenship (Amendment) Bill, 2016 chu hmuh a NGO Co-ordination Committee leh political party hrang hrangin Citizenship (Amendment) Bill, 2016 an duh lohna leh kaltlang pui lo tura an ngenna Memorandum intawm chu an thehlut dawn a ni.

Central YMA Vice President Pu Vanlalruata’n a sawi danin NGO Coordination Committee hruaitute hian a remchan dan angin Central Minister te bakah Tripura-a awm Bru te’n vote an neih chungchangah Election Commission hotute pawh hmuh an tum a ni.