Deprecated: Function is_staging_site is deprecated since version 3.3.0! Use in_safe_mode instead. in /home/lahj9ae7in9c/public_html/wp-includes/functions.php on line 6078
MZU zirlaite hmalakna thlawp – Zothlifim
Deprecated: Function is_staging_site is deprecated since version 3.3.0! Use in_safe_mode instead. in /home/lahj9ae7in9c/public_html/wp-includes/functions.php on line 6078
Zothlifim Logo
Loading ...

Mizoram University-a Vice Chancellor nghet dah ngiat a Mizoram University Students’ Council hmalakna an thlawp thu Mizoram University Alumni Association (MIZUAA)-in an sawi.

MIZUAA hian nimin khan thuchhuah siamin kum hnih dawn lai Mizoram University-in Vice Chancellor nghet a nei lo chu pawi an tih thu te, Vice Chancellor nghet neih loh avanga University hmasawnna kal mekin nasa taka a tuar leh Administration thlenga a nghawng chu pawi an tih thu an sawi a. Vice Chancellor nghet dah thuai tura thuneitute an phut thu leh Mizoram University-in Vice Chancellor nghet a neih thuai theihna tura Mizoram University Students’ Council leh MZU hnuaia pawl hrang hrangte hmalakna chu an thlawp tlat tih an sawi a ni.

Hetihlai hian Mizoram University Students’ Council-in Mizoram University-a Vice Chancellor nghet dah ngiata nimin aṭanga zirna titawpa zirtirtute leh hnathawktute office kai tur an dan chu vawiinah pawh an la chhunzawm zel a. Buaina leh tharum thawhna erawh a thleng lo va, Unversity-ah Police ṭhahnem takin an awm chilh mek a ni.