Aizawlah ni hnih chhung Pawl Kût hman a ni

Niminpiah leh nimin khan Aizawl Sipai lammual-ah Pawl Kut lawm a ni a, Deputy Chief Minister Tawnluia chu Kût Pa niin, Social Welfare and Tribal Affairs Minister Dr K.Beichhua chu Kut Thlengtu a ni.

Pawlkutah hian Kût Pa, Tawnluia chuan Mizo pi leh puten Pawl Kut an hman thin dan sawiin hlim leh lawm taka hun hmang turin kalkhawmte a chah a. Kut thlengtu Dr K. Beichhua chuan Pawl Kut rei tak hman a nih tawhloh hnuah pi leh pute hunlaia kut ropui thangtharten an theihnghilh loh nan leh culture tihnunna a nih hriain kum kalta atang khan Sawrkar chuan Pawl Kut lawmna a buatsaih leh a, hman chhunzawm zel pawh a tum a ni, a ti bawk.

Pawl Kut hi Ministry of Tribal Affairs, Government of India leh Mizoram Sawrkara Social Welfare and Tribal Affairs Department leh Art and Culture Department te ṭang-kawp buatsaih a ni a. Mizo hnam lam leh zai, Mizo infiamna, hnam ziarang pholang thei tur painting exhibition, photo exhibition leh handloom exhibition te thlir tur leh ngaihthlak tur a awm bakah eitur chi hrang hrang buatsaih a ni a. Intihsiakna hrang hrang buatsaih a ni bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram